मुख्यमंत्री ह आज रायपुर नगर निगम डहार ले निर्मित छत्तीसगढ़ के ठोस अपशिष्ट प्रंसस्करण संयंत्र के ई-लोकार्पण करीन ।
मुख्यमंत्री भूपेश बघेल ह आज रायपुर नगर निगम डहार ले निर्मित छत्तीसगढ़ के ठोस अपशिष्ट प्रंसस्करण संयंत्र के रायपुर ले वीडियो कॅान्फे्रसिंग के माध्यम ले ई लोकार्पण करीन। ए बेरा म मुख्यमंत्री ह कीहिन कि रायपुर नगर निगम क्षेत्र के ग्राम संकरी म छत्तीसगढ़ के सबले बड़े ठोस अपशिष्ट प्रबंधन संयंत्र जनता ल समर्पित करे जावत हे। ए संयंत्र म पांच सौ टन कचरा के हर दिन निपटान होही। संयंत्र के लोकार्पण के संघरा छत्तीसगढ़ भारत के अइसन पहिली राज्य बन गेहे, जिहंा कोई शहर म निकले कचरा के शत प्रतिशत निपटान वैज्ञानिक तरीका ले करे जाही।
श्री बघेल ह कीहिन कि रायपुर अउ बिलासपुर शहर म एकीकृत ठोस अपशिष्ट प्रबंधन प्रणाली ले अउ बंाचे नगरी निकाय म मिशन क्लीन सिटी अउ स्वच्छता दीदी मनके माध्यम ले रोज सोला सौ टन कचरा के निपटान करे जात हे। ओमन यहू कीहिन कि राज्य सरकार ह स्वच्छ छत्तीसगढ़ के परिकल्पना ल पूरा करत जम्मों शहर म कचरा के वैज्ञानिक निपटान बर प्रतिबद्ध हे।
खबर के मुताबिक ए पूरा परियोजना के लागत एक सौ संतानबे करोड़ रूपिया हे। ए संयंत्र पीपीपी माॅडल म काम करही । ए संयंत्र म कचरा ले खाद बनही अउ सीमेंट कारखाना बर सहायक इंधन घलो मिलही। एखरे संग संयंत्र म छै मेगावाट बिजली उत्पादन घलो प्रस्तावित हे। पंद्रा साल के ए परियोजना म नगर निगम रायपुर अउ दिल्ली के एक कंपनी ह मिलके काम करत हे। परियोजना म जम्मों घर अउ दुकान ले डोर टू डोर कचरा के संग्रहण परिवहन, प्रोसेसिंग अउ डिस्पोजल के व्यवस्था करे गेहे।
प्रदेश म आज संझा तक कोरोना संक्रमित 22 नवा मरीज मिले हे
प्रदेश म आज संझा तक कोरोना संक्रमित बाईस नवा मरीज मिले हे। स्वास्थ्य विभाग के अनुसार एमा कांकेर के चैदा, रायपुर ले तीन, राजनंादगंाव बलौदाबाजार ले दू-दू, अउ दुर्ग ले एक मरीज सामिल हे। राज्य म अब कोरोना संक्रमित मरीज के संख्या चैबीस सौ ले पार हो गेहे। फेर सक्रिय मरीज मनके संख्या आठ सौ अड़सठ होगे हे।
उंहें काली रतिहा कंाकेर जिला म सतरा मरीज के पुष्टि होय रीहिस, जेमा पंद्रा सीमा सुरक्षा बल बीएसएफ के जवान रीहिन। सीएचएमओ डॅाक्टर उइके ह बताइन कि जवान म पांच अंतागढ़ अउ दस बांदे कैम्प के हरय। जम्मों जवान मन अपन अपन घर ले छुट्टी के बाद कैम्प म लहुटे हे। ए मन ल पहिली ले क्वारंटाइन सेंटर म राखे गे रीहिस।
एति राजनंादगंाव म आज मिले कोरोना संक्रमित मरीज म बाप-बेटा सामिल हे। दूनो झन महाराष्ट्र ले लहुटे के बाद पेड क्वारंटाइन म रीहिन। उंहे काली जारी रिपोर्ट म शहर के निजी अस्पताल के दू झिन डॅाक्टर म घलो कोरोना संक्रमण के पुष्टि होय हे।
इही बीच जिला स्वास्थ्य अधिकारी ह एक ठिन आदेश जारी करके कीहिन हे कि राजनंादगंाव जिला म बनाय गे कंटेनमेंट जोन के जम्मों रद्दा म पुलिस ह अवइया जवइया लोगन के नाम अउ पता रजिस्टर म दरज करही। स्वास्थ्य संचालक नीरज बंसोड़ ह ए बारे म जिला पुलिस अउ स्वास्थ्य विभाग के आला अधिकारी मनके बइठका लीन, जेमा कोरोना संक्रमण के बचाव बर करे जात उपाय के समीक्षा करीन।
ओति, दुर्ग जिला म काली रतिहा ले आज मंझनियंा तक नौ झिन नवा मरीज मिले हे। जेमा तीन बीएसएफ के जवान घलो सामिल हे।
बस्तर जिला म बकावंड विकासखंड के ग्राम मुली बनाय गे क्वारंटाइन संेटर ले एक झिन प्रवासी महिला ह कोरोना संक्रमित पाय गेहे। जेला मेडिकल काॅलेज डीमरापारा जगदलपुर म भर्ती कराय गेहे।
उंहें रायगढ़ शहर म एक झिन पहिली स्थानीय मनखे के रिपोर्ट घलो कोरोना पॅाजीटिव आय हे। शिक्षा विभाग म पदस्थ ए मनखे ह पहिली ले बीमार रीहिस हे। जिला म अब तक जतका मरीज मिले हे ओमा सबो झन प्रवासी मजदूर रीहिस।
इही बीच स्वास्थ्य विभाग ह पाछू चार जून के विस्तारा के विमान म दिल्ली ले रायपुर आय यात्री मन म एक झिन यात्री ह कोरोना संक्रमित पाय गे रीहिस हे तेखर सेती जम्मों यात्री मन ल क्वारंटाइन म रेहे के अपील करे गेहे। स्वास्थ्य विभाग ह जम्मों यात्री मनले हेल्पलाइन नंबर – एक शून्य चार म फोन लगाके अपन बारे म जानकारी दर्ज कराय बर केहे हे।
श्रम मंत्री ह श्रम मित्र बनाए बर मंत्री अउ विधायक मन ल लिखिस चिट्ठी
श्रम अउ नगरी प्रशासन मंत्री डॅाक्टर शिव कुमार डहरिया ह निर्माण श्रमिक मन ल योजना के फायदा देवाय बर मंत्री अउ विधायक मन ल चिट्ठी लिखके श्रम मित्र मनोनयन बर अनुशंसा करे बर केहे हे।
चिट्ठी म केहे गेहे कि योजना मनके प्रचार प्रसार बर श्रम मित्र योजना के संचालन करे जात हे। जेमा पंजीकृत निर्माण श्रमिक ले श्रम मित्र के मनोनयन करे जाही। जम्मों नगर निगम म बारा वार्ड के यूनिट, नगर पालिक परिषद, नगर पंचायत, जनपद पंचायत ल एक यूनिट मानके जम्मों यूनिट म पांच-पंाच श्रम मित्र के मनोनयन करे जाही। जेमा दू महिला श्रम मित्र के मनोनयन अनिवार्य होही।
हज कमेटी के अध्यक्ष ह अवइया बछर म बिना कुर्राह म सामिल करे हज यात्रा के मांग करीन
छत्तीसगढ़ राज्य हज कमेटी के अध्यक्ष मोहम्मद असलम खान ह केंद्रीय अल्प संख्यक कल्याण मंत्री मुख्तार अब्बास नकवी ले आग्रह करे हे कि ए साल के हज बर चुने गे जम्मों हजयात्री मन ल अवइया साल बर बिना कुर्राह म सामिल करे बर प्राथमिकता दे जाय। जेखर ले ओमन अपन फरीज-ए-हज मुकम्मल कर सके। ओमन यहू कहिन कि ए बछर बर चयनित लोगन ल अवइया साल के हज बर आवेदन करे के प्रक्रिया म निर्धारण नइ करे जाय।
जहरीला गैस रिसाव मौत
मुंगेली जिला म काली सेप्टिक टैंक के सफाई करत बेरा जहरीला गैस के रिसाव ले 04 लोगन के मउत होगे।
मुंगेली जिला म काली संझा बेरा सेप्टिक टैंक के सफाई करत बेरा जहरीला गैस के रिसाव ले चार लोगन के मउत होगे।
हमर संवाददाता ले मिले जानकारी के मुताबिक ए हादसा पथरिया ब्लाक के मर्राकोना पंचायत म होय हे। एसडीएम बृजेश सिंह अउ पुलिस विभाग के आला अधिकारी मन मउका म पहुंचीन अउ उचित कार्रवाई के निर्देश दीन।
ए मामला म मुख्यमंत्री भूपेश बघेल दुख जताइन अउ जिला प्रशासन ल पीड़ित परिवार ल हरसंभव सहायता उपलब्ध कराय बर केहे हे।
ओति कोरिया जिला के चिरमिरी कुरासिया भूमिगत खदान म पाछू रतिहा बारूद के ब्लास्ट होय ले ड्रीलर आॅपरेटर के मउत होगे।
बस्तर जिला म होय सड़क दुर्घटना म एक झिन कांगे्रस पदाधिकारी के मउत
बस्तर जिल म काली रतिहा एक ठिन सड़क दुर्घटना म युवा कंाग्रेस के पदाधिकारी तोंगपाल निवासी सन्नी चैहान के मउकाच म मउत होगे। खबर मिले हे कि परपा थाना क्षेत्र के गीदम मार्ग म एक ठिन कार ह अनियंत्रित होके पेड़ ले टकरा गे रीहिस। अउ कार म सवार एक झिन दूसर युवक ह गंभीर रूप ले घायल होगे, जेला मेडिकल काॅलेज डीमरापारा म भर्ती कराय गेहे।
अवैध रेत परिवहन के खिलाफ बलौदाबाजार म चलीस अभियान-20 ठिन गाड़ी जब्त
बलौदाबाजार भाटापारा जिला म अवैध रेत परिवहन म रोक लगाय बर चलाय गे विशेष अभियान के बेरा तीन हाईवा अउ सतरा ट्रेक्टर के संघरा बीस ठिन गाड़ी ल जब्त करे हे। ए गाड़ी मन ल खनिज विभाग के सुपुर्द कर देहे। संगेसंग मोटर व्हीकल एक्ट के कतकेान धारा म कार्रवाई घलो करे गेहे।
पुलिस अधीक्षक ह बताइन कि रेत के अवैध परिवहन करइया मन के खिलाफ आगू घलो कार्रवाई जारी रीही। ओमन बताइन कि पाछू महीना घलो अवैध रेत परिवहन करइया इकतीस ठिन गाड़ी के खिलाफ कार्रवाई करे गे रीहिस।
